మీకేంటండీ...సాఫ్టువేరు...!!

"ఓ మీరా!! రండి..రండి..ఆ..! బావున్నారా?.. కూర్చోండి..రా బాబూ కూర్చో"

"బావున్నామండీ..మీరు బాగున్నారా?"

"ఆ బావున్నాం.. ఇతనెవరూ?"
...
"మా వాడే...కంప్యూటరు"
...
"మా అక్క కొడుకు...సాఫ్టువేరు"
...
"మా అన్నయ్యగారి అబ్బాయి..హైటెక్ సిటీ లో సాఫ్టువేరు ఉద్యోగం"
...
లేక పోతే "....కంప్యూటరు మీద పని చేస్తున్నాడు..హైదరాబాదులో"

ఇవీ నాకు దొరికే ఇంట్రడక్షన్లు ...

ఇక నెక్స్ట్ ప్రశ్న..

"సాఫ్టువేరంటే బానే ఇస్తారుగా...ఎంతిస్తారో.."
....
"ఎంతొస్తయి బాబూ"
...
"ముప్ఫయి వేలండీ.."
.....
"అబ్బా!! అంతిస్తారా? అసలు మీరు ఏం చేస్తారు? కంప్యూటర్లు తయారు చేస్తారా?"
....
"అన్ని డబ్బులు ఎంజేస్తారు?"
...
"ఇద్దరూ కంప్యూటరు ఉద్యోగాలేగా!! ఇంక మొత్తం సేవింగ్సే అన్న మాట!!"
...
ఎదవ దొబ్బుడు..
....
ఇక రియల్ ఎస్టేట్ వాళ్ళు - "అబ్బా!! అంత రేటా?" అంటే "మీకేంటి సార్ సాఫ్టువేర్ జాబు"
....
ఆటో వాళ్ళు అల్టిమేట్

కొత్తగూడా క్రాస్ రోడ్ నుంచి విప్రో కి 10 రూపాయలు. అదే దూరం ఉప్పల్ రోడ్ లో అయితే 4 రూపాయలు.

అదేమంటే మళ్ళీ స్టార్టు.."మీకేంటండి..." "మీరే ఇవ్వక పొతే ఎట్లా?"
మాములు ఉద్యోగం చేసే వాళ్ళు ఎక్కితే వాళ్ళనీ పీడిస్తారు "అదిగో వాళ్ళు ఇస్తున్నారు..మీరు ఇవ్వండి" అని.

విప్రో నుంచి కాన్‌బే కి 3 రూ. కాని కొత్తగూడా క్రాస్ రోడ్ నుంచి కాన్‌బే కి 15.

కూకట్‌పల్లి నుంచి హైటెక్ సిటీ కి 10 రూ. అది 10KM డిస్టెన్శ్.
హైటెక్ సిటీ నుంచి 1 KM దూరంలో వున్న వానెన్‌బర్గు కి 5 రూ.

అడిగితే "మీరు కూడా ఇవ్వక పొతే ఎట్లా?" అంటారు..

మా ఆవిడ కి చివరికి విరక్తి వచ్చింది. అందుకే ఇక డిసైడ్ అయ్యింది- ఇక ముందు నుంచి ఎవరన్నా అడిగితే "మార్కెటింగ్", "ఫాకల్టీ", ఇట్లాంటివి చెప్పాలని.
.........
అదేమి విచిత్రమో కానీ ఐటి సందట్లో అసలు లాభ పడుతున్న రియల్ ఎస్టేట్ వాళ్ళ గురించి ఎవరూ మాట్లడరు. అందరి నోళ్ళలో పడేది నా లాంటి ఐటి బకరాలే.
......
అసలు ట్రాజెడీ ఏమిటంటే నేనూ, చాలా మంది నా ఐటి ఫ్రెండ్సూ నెలాఖరుకి "ఎవడు అప్పు ఇస్తాడా?" అని చూస్తూ వుంటాము.
మేము సంపాదిస్తున్నవి "క్రెడిట్ కార్డు బిల్లులు, నిల్లు బాంకు బాలెన్సులు".