భారత్ - అమెరికా అణు ఒప్పందం.

అమెరికా ప్రభుత్వం తయారు చేసిన "హైడ్" చట్టానికి లోబడిన ఈ అణు ఒప్పందం వల్ల మన డేశానికి ఎంతో నష్టం జరుగనున్నా దీనిని మన శాస్త్రవేత్తలతోనూ, పార్లమెంటు తోనూ ఒప్పించే ప్రయత్నాలు పకడ్బందీగా పెద్ద ఎత్తున జరుగుతున్నాయి. ఒకసారి ఒప్పందం జరిగాక ఇక మన దేశం శాశ్వతంగా శాస్త్ర రంగం లో స్వయం ప్రతిపత్తి ని కోల్పోతుంది. భవిష్యత్తులో మనం మళ్ళీ అణు కార్యక్రమాలను చేపట్టే ప్రయత్నం చేస్తే ఇవ్వళ ఇరాక్ కి పట్టిన గతే మనకూ తప్పదు. భారత్ మీద ఎంతో అభిమానం చూపుతున్నట్లున్న అమెరికా ధోరణి ఎంత నిజమో స్వర్గాన వున్న సద్దాం ని అడిగితే చెప్తాడు. ఆయన్ని అధ్యక్ష పీఠం మీద కూర్చో పెట్టిందీ అమెరికానే; చివరికి ఉరి తీసిందీ అమెరికానే.

శాస్త్రవేత్తలు వద్దంటున్నా మన్‌మోహన్ సర్కారు దీని మీద సంతకానికి అంత అత్యుత్సాహం ఎందుకు చూపిస్తున్నట్టు? అమెరికా నిజమైన వైఖరి ఏమిటి?

రైలు బండి కాదిది - "బండి రైలు"

కాంబోడియా లో పట్టాల మీద మామూలు రైళ్ళ కంటే ఈ ఫొటోలో కనిపించే "బండి రైళ్ళు" (bamboo trains) ఎక్కువగా తిరుగుతుంటాయి.

ఇవి మన అంధ్రా లో వుండే "తోపుడు బండ్ల" లాగా వుంటాయి. వెదురుతో చేసిన బండికి చిన్న ఇనుప చక్రాలు, ఒక చిన్న ఇంజను, ఒక బ్రేకు లీవరు - ఇదీ దాని design.



ఈ చిన్న దేశంలో అసలు రైలు కంటే ఇవే ఎక్కువ పాపులర్. ఎందుకంటే సర్కారీ వారి రైలు వారానికి ఒక్కసారే వస్తుంది. దాని యొక్క అత్యధిక వేగం 10-15 కి.మీ/గం. అంటే మీరు "రన్నింగ్" లో రైలు ఎక్కి దిగవచ్చన్నమాట. కానీ మన "బండి రైలు" గంటకి 30-40 కి.మీ/గం తో పరుగెత్తుతుంది. పైగా సర్కారీ వారి రైలు కంటే చాలా చవక.
ఎప్పుడైనా సర్కారీ రైలు అడ్డం వస్తే దీనిని పట్టాల మీదనించి ఎత్తి పక్కన పెట్టి రైలు కి దారి ఇస్తారు.

ఈ మధ్యనే పొరుగు దేశాల సహాయంతొ కొత్త రైళ్ళను ప్రవేశపెట్టి రైళ్ళ పరిస్థితి ని మెరుగు పరిచే ప్రయత్నం లో వుందీ వారి ప్రభుత్వం.
ఒక 30 సంవత్సరాల క్రితం వరకూ పరిస్థితి బాగానే వుండేది. కాని "ఖ్మేర్ రోజ్" - "ఎఱ్ఱ కాంబోడియన్" - అనే కమ్మ్యూనిస్టు పాలనలొ ఆ దేశం రాతి యుగానికి వెళ్ళిపోయింది. :(

గాలి తో నడిచే కారు

ఇప్పుడే http://www.telugupeople.com/ లో ఒక లంకె చూసాను. సబ్జెక్ట్ ఏమిటి అంటే "గాలి తో నడిచే కారు" . చాలా ఇంటరెస్టింగ్ గా వుంది. టాటా మోటర్స్ ప్రొడక్షన్ కూడా మొదలు పెట్టబోతున్నారు. ఈ న్యూసు ఫిబ్రవరి 9 ది. నాకు మాత్రం కొత్త న్యూసే.

ఇందులో ఇంకొక విశేషం ఏమిటి అంటే ఇది తక్కువ వేగం తో వెళ్ళేటప్పుడు గాలి తోనూ, ఎక్కువ వేగంతో వెళ్ళేటప్పుడు గాలి + పెట్రోలు తోను నడుస్తుంది.
ఈ "వాయు యంత్రాన్ని" కనిపెట్టింది ఒక ఫ్రాన్స్ కంపెని. చూ http://www.theaircar.com/.
సరే దీని కథ ఎమిటో ఇంకొంచెం బ్రౌశాక పోస్టుతా.
నాకైతే మన భాగ్యనగరం లో హాయిగా మంచి గాలి పీల్చుతూ బ్రతకవచ్చన్న ఆశ మనసులో కలిగి ఎంతో హాయిగా అనిపిస్తోంది.

ఆరంగేట్రం

శ్రీ మద్‌రమారమణ గోవిందో హరి !!
భక్తులారా! ఇది నా మొదటి పోస్టు.
So యావన్మందికీ మనవి చేసేది ఏమిటంటే...
నేను ఇక్కడ నాకు నచ్చిన జోక్సు, నచ్చిన thoughts, ideas, concepts వగైరాలు...
ఇంకా కొన్ని తెలుగు పద్యాలు, పాటలు, కవితలు, చిన్న చిన్న కథలు పోస్టు చెస్తాను.
వాటితో పాటు నాకొచ్చిన ఇడియాలు, నా ఫీలింగ్సు, నేను చేసిన అనాలసిస్ లు కూడా వేసుకుంటాను.
ఇట్లు
భవదీయ
మన్యవ

PS: కవి తన స్వపరిచయం ఇచ్చుకున్న సందర్భములోనిదీ పోస్టు