మున్నా - అదో గుండు సున్నా

ఈ సినిమా కి అన్నీ ఉన్నాయి...లాజిక్ తప్ప...

పాటల పిక్చరైజేషన్ బావుంది 90% మార్కులు. పాటలు కూడా ఓ.కే 70% మార్కులు. హీరో డాన్స్ - సూపర్ కాక పోయినా 70% మార్కులు ఇవ్వచ్చు. ఫైట్లు 90% మార్కులు. హీరో ఇంట్రడక్షను, ఫస్టు హాఫ్ బాగానే వుంది.

కథ "ప్లాట్" కూడా బావుంది - హీరో ఒక అనాథ. విలన్ ఒక మిలియనీరు. హీరోకి విలన్ అంటే బాగా ద్వేషం. ఎందుకూ? అంటె "వాళ్ళిద్దరూ తండ్రీ కొడుకులు; ఆ తండ్రి హీరో చిన్నప్పుడు తల్లిని వ్యభిచార గృహానికి అమ్మితే ఆమె పైనుంచి దూకి చచ్చిపోయింది" అన్న ట్విస్టు ఇంటర్వెల్ లో ఇస్తాడు. విలన్ కి హీరో కాక ఆత్మ అనే ఇంకో శతృవు వుంటాడు. క్లైమాక్సులో ఆత్మాని విలనే సృష్టిస్తాడు అనేది ట్విస్టు. బానే వుంది.

కాని కధ నడిపిన తీరు , కథ ముగించిన తీరు తుస్సుమన్నాయి.
ఒక ఇంజనీరింగ్ చదివే కుర్రాడు వేసే ఎత్తుకి ఫార్మస్యూటికల్ ఫ్యాక్టరీ మూత పడుతుంది. పోనీ అదేమన్నా భయంకరమైన అయిడియానా అంటే అదీ కాదు. విలన్ గారి పిల్లల పెళ్ళి సీను లాజిక్ కి దొరకదు. ఆంధ్రుడు సినిమా క్లైమాక్సు ఫైటంత illogicalగా వుంది. ఫైట్లు లాజిక్కి దొరక్కపోయినా పర్లేదు. కనీసం కథ అన్నా దొరకాలి కదా. బిడ్డ చావుకి కూడా ఏడవని ఖాఖా ఆత్మహత్యకి పాల్పడటానికి ఇచ్చిన రీసన్ నాకర్థం కాలేదు.

వేరే ఏ సినిమా లేక పొతే దీనికి వెళ్ళండి.
ఇలియానాని చూసిన మేరకు టికెట్ డబ్బులు దక్కుతాయి.