తెలంగాణా ఉద్యమాన్ని సమర్ధించే NRI ల్లారా, తెలంగాణాకి వెళ్ళిపోండి.

ఇటీవల US లో తెలంగాణా వాదులంతా ఉద్యమానికి మద్దతుగా సభను నిర్వహించారన్న వార్త వచ్చింది.

రాష్ట్రంలో ఉద్యమకారుల ప్రధాన వాదన :
వలసవాసులు తెలంగాణా ప్రాంత పౌరుల ఉద్యోగాలు, రాజ్యాధికారం దోచుకుంటున్నారు.

గాంధేయ మార్గంలో పోరాడుతున్నా అంటున్నారు కెసిఆర్. మరి గాంధీగారు, చోరీచోరా సంఘటన అనంతరం ఉద్యమాన్ని విరమించారు. కార్యకర్తలు హింసకి పాల్పడితే దానికి నిరసనగా నిరాహార దీక్ష చేపట్టారు.


వీరేమో, విద్యార్ధులను రెచ్చగొట్టి , విద్యార్ధుల్లో ఉన్మాదాన్ని రగిల్చి, వందల కోట్ల విలువచేసే ఆస్ధి నష్టానికి కారకులయ్యారు. ఇప్పుడు వారు నాచేతుల్లో లేరు అంటున్నారు.
పైగా వారిపై పెట్టిన కేసులు ఎత్తివేయించారు. దీనితో వారు ఇంకా విచ్చలవిడిగా ప్రవర్తిస్తున్నారు.

ఉద్యమం చేసే హక్కు ప్రజాస్వామ్యంలో ఉంది. కానీ ఇతరుల ఆస్థులను ధ్వంసం చేసే హక్కులేదు. ఎమ్మెల్యేల పై హత్యాయత్నం జరిగింది.

ప్రజాస్వామ్యం యొక్క ప్రాధమిక లక్ష్యం - పౌరులందరికీ సమాన అవకాశాలు. equal opportunity for all.

కాబట్టి ఈ ఉద్యమం ప్రజాస్వామ్య విలువలకి విరుద్ధం. ఇది ఒక జాతి పౌరులని రెండుగా విడగొట్టే యత్నం.
ప్రజాస్వామ్యంలో ఆటవిక న్యాయం అమలు చేసే ప్రయత్నం. ఇది రాజద్రోహంగా పరిగణించాలి.

అమెరికా దేశం పరాయి దేశ పౌరులకి ఉపాధి, విద్యావకాశాలు కల్పిస్తోంది. ఈవిషయంలో అమెరికా ప్రజాస్వామ్య స్ఫూర్తికి అనుగుణంగా వ్యవహరిస్తోంది.

మన NRI లు అవన్నీ అనుభవిస్తున్నారు. ఇప్పుడు వారు ఒక ప్రాంత వాసులు ఇంకో చోటికి వెళ్ళకూడదు అన్న వాదనని సమర్థించే టట్లయితే, ముందు వారు దాన్ని తమకు ఆపాదించుకోవాలి.
అప్పుడు వారి తక్షణ కర్తవ్యం, అమెరికాలో తమ ఉద్యోగాలు, ఆస్థులు వదిలి, తిరిగి తెలంగాణాకు వెళ్ళిపోయి, ఈ వాదం పట్ల వారికున్న నిబద్ధతను చాటుకోవాలి.

ఈ మేరకు మధుయాష్కీ గారు చాలా నిజాయితీ చూపించారు. వీరంతా వారి మార్గదర్శనంలో నడవాలి.
కానట్లయితే ఉద్యమానికి నైతిక, ఆర్ధిక సాయం మానాలి.