రైలు బండి కాదిది - "బండి రైలు"

కాంబోడియా లో పట్టాల మీద మామూలు రైళ్ళ కంటే ఈ ఫొటోలో కనిపించే "బండి రైళ్ళు" (bamboo trains) ఎక్కువగా తిరుగుతుంటాయి.

ఇవి మన అంధ్రా లో వుండే "తోపుడు బండ్ల" లాగా వుంటాయి. వెదురుతో చేసిన బండికి చిన్న ఇనుప చక్రాలు, ఒక చిన్న ఇంజను, ఒక బ్రేకు లీవరు - ఇదీ దాని design.



ఈ చిన్న దేశంలో అసలు రైలు కంటే ఇవే ఎక్కువ పాపులర్. ఎందుకంటే సర్కారీ వారి రైలు వారానికి ఒక్కసారే వస్తుంది. దాని యొక్క అత్యధిక వేగం 10-15 కి.మీ/గం. అంటే మీరు "రన్నింగ్" లో రైలు ఎక్కి దిగవచ్చన్నమాట. కానీ మన "బండి రైలు" గంటకి 30-40 కి.మీ/గం తో పరుగెత్తుతుంది. పైగా సర్కారీ వారి రైలు కంటే చాలా చవక.
ఎప్పుడైనా సర్కారీ రైలు అడ్డం వస్తే దీనిని పట్టాల మీదనించి ఎత్తి పక్కన పెట్టి రైలు కి దారి ఇస్తారు.

ఈ మధ్యనే పొరుగు దేశాల సహాయంతొ కొత్త రైళ్ళను ప్రవేశపెట్టి రైళ్ళ పరిస్థితి ని మెరుగు పరిచే ప్రయత్నం లో వుందీ వారి ప్రభుత్వం.
ఒక 30 సంవత్సరాల క్రితం వరకూ పరిస్థితి బాగానే వుండేది. కాని "ఖ్మేర్ రోజ్" - "ఎఱ్ఱ కాంబోడియన్" - అనే కమ్మ్యూనిస్టు పాలనలొ ఆ దేశం రాతి యుగానికి వెళ్ళిపోయింది. :(